Топырақтағы ылғал тапшылығынан бастап ірі қара, ұсақ мал, жылқы, құс және басқа да жануарларға дейін сақтандыру өнімі биыл да жұмысын жалғастырады. Өсімдік шаруашылығымен және мал шаруашылығымен айналысатын фермерлер егінін немесе малдарың түрлі қауіп-қатерлерден сақтандыра алады, деп хабарлайды Аграрлық несие корпорациясының баспасөз қызметі.
Сақтандыру Kezekte.kz.порталдағы Agroinsurance ыңғайлы онлайн-платформасы арқылы жүзеге асырылады
Агроөнеркәсіп кешеніндегі ерікті сақтандыру жүйесінің артықшылығы – мемлекеттік қолдау ретінде сақтандыру сыйақысының 80%-ын мемлекет субсидиялайды, қалған 20%-ын фермер өзі төлейді.
2025-жылы сақтандыру сыйақыларын субсидиялауға республикалық бюджеттен шамамен 2 млрд теңге бөлу жоспарланып отыр.
Ерікті сақтандыру жүйесін іске асырудың 2020-2024 жылдары фермерлер шамамен 1,5 млн га егіс алаңын, 13,3 млн құс басын және 84,4 мыңға жуық малдарын сақтандырды. Сақтандыру сыйақысының бір бөлігін субсидиялау 5,9 млрд.теңгені құрады.
Қолданыстағы сақтандыру жүйесінде халықаралық қайта сақтандыру компаниялары сақтандыру төлемдеріне кепілдік береді.
Сақтандыру жағдайларына байланысты сақтандыру компаниялары фермерлерге 7,3 млрд. теңгеден астам қаржы төледі. Ал фермерлердің сақтандыруға жұмсаған шығындары небәрі 2,2 млрд.теңгені құрады.
Сурет: ашық ақпарат көзінен.
