Бұл сақтандыру дәнді және майлы дақылдарды жинау кезеңінде топырақтағы артық ылғалдан болатын тәуекелді қамтиды.
Биыл топырақтағы артық ылғал индексіне қатысты сақтандыру тарифі мен сақтандыру төлемінің мөлшеріне өзгерістер енгізілді. Сондай-ақ сақтандыру кезеңдері қарастырылған.
Өнім бойынша сақтандыру тарифі сақтандыру сомасының 3%-ын құрайды.
Әр кезең бойынша сақтандыру төлемі сақтандыру сомасының 10,5%-ын, ең жоғары сақтандыру төлемі сақтандыру сомасының 21%-ын құрайды.
Сақтандыру өтінімін Kezekte.kz платформасындағы agroinsurance ақпараттық онлайн сақтандыру жүйесі арқылы беру керек.
Онлайн сақтандыру жүйесінің жеке кабинетінде фермер өз егіс алқабын көрсетіп, сақтандыру компаниясын анықтауы тиіс. Сақтандыру шартын жасасып, сақтандыру сомасының 20% мөлшерінде сақтандыру сыйақысының бір бөлігін төлеуі қажет. Ал сақтандыру сыйақысы сомасының қалған 80%-ын оператор сақтандырушының өтінімі бойынша субсидия ретінде төлейтін болады.
Естеріңізге сала кетейік, 2020 жылдан бастап Агроөнеркәсіп кешені саласындағы сақтандыру ерікті негізде жүзеге асырылады.
