Қазақстанның ауыл шаруашылығы саласындағы KazAgro/KazFarm-2024 қорытынды көрмесі 22-24-қазан аралығында Астанадағы EXPO халықаралық көрме орталығында өтеді. Оған әлемнің 20 елінен агроөнеркәсіп кешеннің 250 компаниясы қатысады, ал экспозиция 20 мың шаршы метр жерге орналасады. Іс-шараны Expo Group халықаралық көрме компаниясы ұйымдастырады.
Көрме дәстүрлі түрде саланың екі негізгі бағытына бөлінеді. Өсімдік шаруашылығына арналған бөлімде – KazAgro — фермерлерге озық техниканың ассортименті ұсынылады. Жалпы, көрме тұқым таңдаудан бастап өңдеу технологияларына дейін бүкіл өндіріс процесін қамтиды.
KazFarm – мал шаруашылығына арналған экспозиция, ол түрлі технологияларды көрсетеді. Мұнда бордақылау алаңдары мен тауарлы сүт фермаларының жұмысына қажеттің бәрі болады.
KazAgro/KazFarm 15 жылдан бері ТМД-дағы ең ірі көрме ретінде өтіп келеді. Іс-шара халықаралық деңгейде танылып, әлемдік көрмелер тізіміне енгізілген.
Сурет bvv.cz
