«Бір ауыл – бір өнім» жобасының аясында болып жатқан көрме «Қазмедиа» орталығында орналасқан. Көрме барлық тұрғынға 22-24 қазан күндері сағат 9:00-ден 19:00-ге дейін ашық.
«Атамекен» Ұлттық кәсіпкерлер палатасы жүзеге асыратын «Бір ауыл – бір өнім» жобасы шағын және микробизнесті, сондай-ақ жергілікті шикізаттан өнім өндірумен айналысатын ауыл тұрғындарын қолдауға бағытталған. Аталмыш жоба кәсіпкерлерге қолдау көрсетіп, өңірдің дәстүрі мен жергілікті ерекшелігін дәріптейді, – деп хабарлайды Aikyn.kz сайты.
Жобаның мақсаты – өңірдегі шикізаттан өндірілген бірегей өнімдерді ұлттық және халықаралық нарыққа шығару. Сол мақсатқа жету үшін қазір ауқымды жұмыс жүріп жатыр. Бұл туралы «Бір ауыл – бір өнім» жобасын іске асыру және мониторинг жасау жөніндегі жоба жетекшісі Гүлнар Сейітжаппарова айтты.
Жоба финалистері көрмеде өз өнімдерін таныстырады. Іс-шараға келген қонақтар экологиялық таза тағамдардан бастап, өңірлік ерекшелікті сақтайтын инновациялық өнімдерге дейінгі әртүрлі тауарды бағалай алады.
Сурет Aikyn.kz сайтынан алынды
