«АЙС» ЖШС 800 бас сиырға арналған тауарлы сүт фермасын салып жатыр, деп хабарлайды Ауыл шаруашылығы министрлігінің ресми сайты. Инвестициялық жобаның қуаттылығы жылына 9,6 мың тонна сүт алуға мүмкіндік береді. Құны – 5,1 млрд. теңге.
Жобаны іске асыру үшін серіктестікке «Ақтөбе» ӘКК арқылы 2,5%-бен 3,2 млрд. теңге мемлекеттік қолдау ретінде берілді.
Қазіргі уақытта компания құрылыс-монтаж жұмыстарын аяқтап, 2025 жылдың сәуір айының басында сауын сиырларды әкелуге кіріседі.
Мәртөк ауданы Саржансай ауылында орналасқан «АЙС» ЖШС сүт фермасы 2010 жылы ашылған. Ол 1100 бас ірі қараға есептелген. Онда күніне 36,5 тонна сүт өнідіріледі.
Жем-шөп дайындау мақсатында 2024 жылы 100 гектарға құмай-суданка, 230 гектарға күздік қара бидай мен пішен, 285 гектарға жүгері егілді.
Сурет: АШМ ресми сайтынан алынды
