Ауыл шаруашылығы министрлігі мен Ұлттық ауыл шаруашылығы ғылыми-білім беру орталығы (ҰАҒБО) Апорт алмасын қайта жаңғырту бағдарламасын әзірледі, деп хабарлады primeminister.kz.
Апорт — өте талғампаз алма ағашының түрі, оны өсіру мен күтудің ерекше жағдайды талап етеді. Сапалы жемісті тек теңіз деңгейінен кем дегенде 850 м және 1 250 м биіктікте өсетін бақтардан алуға болады. Алматының тау етегінде және жақын маңдағы Алматы облысында мұндай учаскелер көп емес. 4-6 жылдан кейін толық жеміс бере бастайтын басқа алма ағашы түрлерінен айырмашылығы сол апортқа 8-9 жыл қажет. Дегенмен, қазақстандық апорт өзінің сапалық сипаттамаларының арқасында үлкен сұранысқа ие және шетелдіктердің де қызығушылығын тудырады.
Апортты қайта жаңғырту бағдарламасы 2024-2028 жылдарға арналған. Бағдарламаның операторы Ауыл шаруашылығы министрлігі мен ҰАҒБО. Ал ғылыми-технологиялық және әдістемелік қолдауды Қазақстан жеміс-жидек және көкөніс ғылыми-зерттеу институты көрсетеді. Апортты қайта жаңғырту бағдарламасын іске асыруға жеке инвесторлар мен мамандандырылған питомник шаруашылықтары қатысады. Бағдарламаның төрт жылы алма бақтарының толық көлемде коммерциялық өндірісін бастау үшін қажетті мөлшерде көшет өсіруге кетеді.
Серік Жұманғарин апорт алмасын қайта жаңғырту бағдарламасының жобасын бекітті, оған қазақстандық ерекше алма сортын насихаттау да кіреді. Сонымен қатар ауыл шаруашылығы жоғары оқу орындарының студенттерін бағдарламаны іске асыруға тартуды тапсырды.
Сурет: primeminister.kz
