Жамбыл облысына жұмыс сапары барысында Ауыл шаруашылығы министрі Айдарбек Сапаров Меркі қант зауытында болып, онда қызылша қабылдау пунктіндегі процеспен, сондай-ақ қантты өңдеу және өндіру технологиясымен танысты, деп хабарлады АШМ баспасөз қызметі.
Меркі зауыты 450 мың тоннаға дейін қант қызылшасын қабылдауға және өңдеуге дайын. Әкелінетін өнімнің көптігіне байланысты кәсіпорын алдында кезекте тұрғандар көбейіп, біраз қиындықтар туындады. Кезекті ұзақ күту фермерлердің наразылығына ұласты.
Министрлік мәселені шешу мақсатында Жамбыл облысы әкімдігімен бірлесіп, жедел шаралар қабылдады. 10-қазаннан бастап зауыттың қант қызылшасын қабылдау тәуліктік қуаты 4,5 мыңнан 5,9-6 мың тоннаға дейін ұлғайтылды, өнімдер бекітілген кестеге сәйкес қабылданады.
Министр акционерлермен кездесті, тасымалдаушылармен келіссөздер жүргізді және фермерлердің қызылшаны жеткізу тәртібі реттелгенін айтты.
Сурет АШМ сайтынан алынды
